Allsber kona í strætó

Þórsarinn risinn upp frá dauðum... Kemur sterkari inn fyrir vikið

2005-12-03T07:41:00.000-08:00

Eftir ýtrekaðar vangaveltur og mikil eftirspurnar frá helstu stuðningsmönnum mínum mun ég byrja aftur að blogga. Svo verið á tánnum því það gerist fljótlega...

Kv. Þórsarinn

Myndasíða

2004-12-03T03:59:00.000-08:00

Ég er kominn með myndasíðu. Endilega commenta á myndirnar þar. Ég á fullt af myndum. Set inn meira seinna.

http://public.fotki.com/torsarinn

Kv Þórsarinn

Lærdómur og Videogláp

2004-12-01T13:50:00.000-08:00

Hæbb

Það er nú ekki neitt bitastætt að gera hjá mér. Ég er búinn að skila fyrstu ritgerðinni inn af tveimur. Fer síðan í próf 3.des, 9.des og 17.des. Ég er búinn að vera að læra á fullu og gengur svona ágætlega í sumu en sumu ekki. Annars var ég bara að horfa á video um helgina og læra...... Ég JP og Bjarki leigðum okkur 5 video spólur en gátum reyndar ekki horft á þær allar um helgina (Tilboð 5 videospólur í 5 daga á 70 kjall).
Ég er að fara í "jule frokost" eða hvað sem það heitir á föstudaginn. Það verður danskt brennivín og læti bara. Þetta verður hérna heima í Spobjergsvej 6 og næstum allir mæta (10 manns).
Ég var nú ekki búinn að segja ykkur frá fisknum mínum sem býr í Horsens. Já hann heitir Bóbó og er flottur fiskur. Hann býr í fiskabúrinu hjá JP og Bjarka en þar hefur hann skjaldubökuna sem kallast "turtles" sér til félagsskaps. Við höfum fyrst áhyggjur af því að skjaldbakan mundi éta fiskinn en það ákkúrat öfugt. Bóbó er byrjaður að narta í Turtles og er JP og Bjarki ekki ánægðir með það og skamma mig fyrir það því ég á að vera ábyrgðarmaður fyrir Bóbó.
Eins og þið lesið að þá er ekkert að ské og ég er bara að bulla til að segja eitthvað. Ég er að spá í að setja myndasíðu kannski bara ef ég kann til að leyfa ykkur að sjá einhvað af myndunum frá Danmörku.

Kv Þórsarinn

Þrítugs afmæli í Horsens og Thanks givingdinner

2004-11-25T05:21:00.000-08:00

Já komið þið sæl

Ég fór til Horsens um seinustu helgi eins og alltaf. Á föstudaginn var afmæli hjá Evu sytur hans Jón Péturs. Auðvitað vorum ég, JP og Bjarki þar og vorum við langtum yngstir þarna en það var bara gaman af því. Það var frítt áfengi í boði (bjór og skot) og náði maður að drekka ágætlega þó svo að maður hefur drukkið meira í den. :) Annars eru engar sögur frá þessu afmæli... Bjarki hvarf út úr afmælinu á undan okkur Jp, vegna óviðráðanlegra ástæðna, AKA ofdrykkja. En hann var bara hress morgununn eftir, eins og Þórsarinn eftir að við tókum þynnkugöngutúr að tjörninni.
Já síðan á þriðjudaginn hringdi Ryan Bloom í mig og spurði mig hvort ég væri ekki til í að kíkja yfir til hans... Mamma hans og pabbi væru í heimsókn og væru að elda mat handa fullt af liði. Ég auðvita þáði gott boð og þegar ég kom til hans var allra þjóða kvkindi þarna. Spánverjar, Kanadamenn, Danir, Bandarríkjamenn, Þjóðverjar og ég auðvitað, eins og alltaf "eini" Íslendingurinn. Haldið þið ekki að ég hafi lent í ekta amerískum "Thanksgiving Dinner". Reyndar var það heldur snemmt fyrir Thanks giving dinner því að USA heldur Thanksgiving held ég 25 . nóv eða eitthvað þannig, en mamma hans og pabbi voru að fara heim til USA næsta dag. Þetta var þvílíkt gott. Kalkúnn með fyllingu, sósu, og fullt af öðru dóti í fyrst rétt, Ís með sósu í næsta rétt og kaffi og kökur í þriðja rétt. Síðan var auðvitað drukkið mikið af rauðvín og bjór með matnum. Mín fyrsta þakkargjörðarhátíð með öllu þessu liði. Stemmarinn var svakalegur. Kanarnir sögðu reyndar að alltaf eftir matinn færu konurnar að vaska upp og kallarnir horfðu á ameríska fótboltann. Það var enginn amerískur fótbolti í sjónvarpinu þannig að við horfðum bara á Meistaradeildina í evrópskum fótbolta nægja. Við hentum nokkrum konum í eldhúsið til að vaska upp og horfðum á boltann. Eftir þetta var ég nokkuð sáttur og eftirvilll nokkuð léttur á því eftir allt þetta rauðvín :)

Kv. Þórsarinn

Helgin í Köben

2004-11-16T09:19:00.000-08:00

Seinasta vika var þannig að Tolli og Hákon félagar hans Bjarka á Íslandi komu óvænt í heimsókn í Horsens til JP og Bjarka. Þeir voru aðvitað blindfullir og voru heppnir að vera ekki hent út úr lestinni vegna drykkjuláta á leiðinni. Þetta var á miðvikudagskvöldi og var ég auðvitað ekki þar, þar sem ég var í Arhus að læra. Við ætluðum síðan að fara á föstudeginum til Köben.

Ég fór á klúbbinn á fimmtudaginn og var það auðvitað tær snilld. Við byrjuðum heima hjá Ryan Stanton ( USA gaur) og var þar fullt af liði, blindfullt og í gúddí fíling. Ég var nú heldur rólegri en margir þarna því ég ætlaði nú að vera ferðafær morguninn eftir því ég var að taka lestina til Köben með strákunum. Þegar á klúbbinn var komið byrjaði Þórsarinn að tala dönsku við liðið og gekk þokkalega ( Að ég held) og ég er ekki frá því að ég hafi skilið svörin til baka. Annars tók ég seinasta bussinn heim því það var allt aðalliðið farið heim vegna einhverra óskiljanlegra ástæðna.

Ég, JP, Bjarki, Hákon og Tolli tókum lestina til Köben á föstudeginum. Stemmningin á leiðinni var gríðarleg vegna mikils hláturs og vitleysu. Við komum í Köben og fórum á flugvöll að taka á móti Báru og Fríðu á flugvellinum. Á meðan við biðum að þá lékum við okkur í hakkie sack en það var ekki vinsælt meðal starfsfólks flugvallarins sem hótaði að kalla á lögguna ef við myndum ekki hætta. Það þurfti ekki að segja okkur það tvisvar og því biðum við bara þvílíkt stilltir eftir stelpunum sem komu loks. Það var djammað á föstudagskvöldinu og líka á laugardagskvöldinu. Við hittum Sirrý og Nonna á laugardaginn á pöbb á Strikinu. Við fengum okkur nokkra bjóra þar og hlustuðum á gott live band spila. Fórum síðan heim á sunnudeginum

Endilega commenta á þetta. Það er leiðinlegt ef maður er bara að skrifa þetta fyrir sjálfan sig því ég veit ekki hvort einhver er að lesa þetta.

Annars er Þórsarinn kominn á klakann 20.des.

Kv Þór

Horsens! bær drykkju og hundaskíts

2004-11-09T14:19:00.000-08:00

Jæja maður var í Horsens um helgina með strákunum. Fór á fimtudeginum til þeirra og var alveg framm á mánudag. Við fórum í Íslendingapartý í Horsens á laugardaginn þar sem þemað var 80´s en samt átti ekki að fara í þannig fötum eða svoleiðis. Við byrjuðum heima hjá strákunum þar sem Eva systir hans JP kom og drakk með okkur. Við drukkum þónokkur skot áður en við fórum og vorum orðin vel í því áður en við komum á staðinn. Áfengið á staðnum var þokkalega ódýrt svo að ég drakk og drakk og var orðinn býsna ölvaður þó ég segi nú sjálfur frá og auðvitað Bjarki var einnig í "Jolly fíling". Svona Íslendingasamkomur enda alltaf í þvílíku fyllirí og auðvitað var þessi ekki öðruvísi. Við stákarnir fórum heim kl 4 en á leiðinni heim var auðvitað stoppað á Delons og fengið sér Pizza slice.

Það er eitt sem ég virkilega sakna frá Íslandi. Það er það að geta labbað um götur borgar og bæja án þess að hafa áhyggjur hvert maður er að stíga. Ég er örugglega búinn að labba 7 sinnum í hundaskít síðan ég flutti hingað og seinasta skipti var núna um helgina. Stráknum finnst þetta svaka fyndið en ég get nú ekki tekið undir með þeim. Ég var bara í rólegheitum á leiðinni í ljós með strákunum og er að smsa bara og í góðum fýling og er ekki að spá hvert ég er að stíga og allt í einu "splatt" steig í einn blautasta og stærsta hundaskít sem ég hef orðið vitni af. Aumingja skórnir mínir voru lengi að losna við allan þennan lort. Ég held að mér sé að hefnast fyrir það að ég hló svo mikið af Finnboga félaga fornum daga þegar við vorum í Ítalíu og hann var alltaf að stíga í hundaskít.

Næsta helgi verður örugglega skemmtileg. Ég er að fara með strákunum til Köben að hitta vinkonur þeirra. Þær Báru og Fríðu frá Skaganum. Við erum með pantaða gistingu hjá Gistiheimili Halldóru í tvær nætur svo að það verður ekkert nema gaman. Ætli maður reyni ekki að hitta Sirrý og Sigrúnu ef þær hafa tíma. Ég veit að Nonnsinn hennar Sirrýar er að koma í heimsókn svo að það verður erfitt að fá hana út úr húsi. En hún er búin að segja ætla að fá sér einn bjór með okkur þegar hún hefur tíma. Annars ætlar maður að kíkja í búðir og drekka bjór. Jólabjórinn er kominn í verslanir og hef ég smakkað hann og hann bragðast mjög vel.

En allavega ég ætla halda áfram að læra. Þvílíkt erfitt þetta Finance. Ég er ekki að skilja neitt í þessu. Vonandi er þetta að koma hjá mér. Ég er að vera kominn á bls 2 :)

Hej hej

Þórsarinn

Maskúse!!!!!

2004-10-28T13:41:00.000-07:00

Hafið þið séð bíómyndina Eurotrip?!?!?! Snilldarmynd sérstaklega eftir að strákanir frá USA voru alltaf að tala um þetta "Maskúse"´og ég skildi ekki neitt. En eftir að hafa horft á myndina að þá skildi ég strax. Þetta er uppáhaldsmyndin þeirra nr 1 því þeir sjálfir eru út um alla Evrópu að ferðarst með Europassann sinn sem gildir um allt í nokkra mánuði. Þeir eru búnir að fara til Ítalí, Prag, Amsterdam, Barcelona, Munchen og.. ... fullt af fleirri stöðum.
Annars sleppti ég "Klubben" í kvöld og er því að að læra/blogga. Ég hitti Ryan (USA) og Chris (Canada) í Lokalbrugsen (Búðinni) og þeir voru að kaupa romm fyrir kvöldið. Þeir spurðu mig hvort ég kæmi ekki í partý um kvöldið en ég var eitthvað ekki alveg að meika að vera þunnur á morgun. Það er ekkert nema snilld að hanga með þeim á drykkjunni. Þeir verða svo ölvaðir og vitlausir. En annars koma JP og Bjarki á morgun til Aarhus. Við ætlum að reyna að hitta Íslendinga í einhverju halloweenpartý ef það verður svo eitthvað úr því, því ég hef ekki heyrt í gaurnum sem sagði mér frá því.
Seinasta fimmtudag fór ég á Klúbbinn og fékk mér nokkra bjóra með liðinu og svo á laugardaginn fór ég á Social Club í Skiptinemateiti þar sem var mjög gaman. Eftir djammið fæ ég mér alltaf eitthvað að éta. Það er enginn Hlölli hér í Danmörku og því fæ ég mér alltaf feita pizzuslice áður en ég fer heim af djamminu hér í Danmörku. Tær snillld.
Ég heyri í ykkur síðar.
Maskúse, hehehe (fyndið)

Þórsarinn

Kominn tími á að blogga aftur

2004-10-17T09:47:00.000-07:00

Jæja, ég hef ákveðið að reyna að vera að blogga aðeins meira en ég hef gert áður. Ég skal segja ykkur hvað ég hef verið að gera frá kynningarvikunni í skólanum.

Ég er búinn að kynnast geggjað mikið af fólki hér. Ég heng samt með Könunum því þeir eru svona einu sem kunna enskuna nógu vel til að ég get haft almennileg samskipti við þó svo að það eru fullt af liði sem ég heng með sem kann góða ensku. Þetta skólalíf er nokkuð ljúft þar sem ég er bara í skólanum frá mánudag til miðvikudags. Alltaf á fimmtudögum fer ég á "Klubben" sem er bar í skólanum þar sem ég hitti allt liðið sem eru með mér í skiptinemaprógraminu. Það er oft svakalega gaman og er það aðal "Trendið" að kaupa 10 skot á 100kr. Svo er Tubbinn nokkuð góður líka þar sem maður fær hann á 20 kall.

Í húsinu sem ég bý í er snilldar fólk. Við erum 12. 9 Danir, ég , Spænsk stelpa og Pólverji. Þetta er geggjað fínt lið og hef ég verið nokkuð heppinn með það. Það er fín eldunaraðstaða hér þó svo að ég noti hana ekki það mikið vegna þess að ég fékk ekki þann góða hæfileika að geta eldað. Ég má teljast heppinn að eyðileggja ekki örbylgjumatinn minn í örbylgjuofinum :) En samt hef ég fært mig upp á skaft og eldað kjúkling í fyrsta skipti á ævi minni. Fólkið sem var að elda nálægt mér í eldhúsinu höfðu ekki séð girnilegri kjúkling.

Sirry og Sigrún komu til Aarhus. Þau fóru á djammið með mér og einhverju liði sem ég þekki. Það var hel.... gaman og þær elduðu fyrir Þórsarann vegna örðuleikana sem ég talaði um áðan. Það var nú erfitt að fá Sirry á djammið því hún vildi bara vera heima því hún var að hugsa um Nonnann sinn. Usss, ég missti allt álit af djammskrímslinu henni Sirry þá .

Mamma og Pabbi komu í heimsókn líka. Ég fór til Noregs með þeim að heimasækja frænda minn. Það var í Kristansand og var geggjað fínt þar og gaman að heimsækja frænda því ég hafði aldrei farið í heimsókn til hans. Mamma og Pabbi af sjálfsögðu buðu mér út að borða nokkrum sinnum og mér fannst það ekki leiðinlegt.

Það var haustfrí í seinustu viku. Haustfríið er í viku og fór ég til Horsens að hitta JónP og Bjarka. Eftir mikla málefnilegalega umræðu komumst við af því að hagstæðast væri að fara til Berlínar í Þýskalandi. Við fengum lánaðann bílinn hjá Evu systur JP sem á heima í Horsens og lögum af stað. Við þurftum að fara í geng um Hamborg og sáum fullt af Hamborgurum þar (hehehheheh brandari ferðarinnar) en það var ekki hægara sagt en gert. Við villtumst auðvitað þó svo að vitur maður sagði okkur að það væri ekki hægt að villast í Þýskalandi. Eftir nokkrar umferðarslaufur og stopp á makkanum þá náðum við að komast út úr Hamborg og í átt að Berlin. Þegar við komum til Berlinar leituðum við af ódýru hóteli sem var ekki auðvelt en við fundum snilldarhótel sem heitir "Genarator". Unglingahótel dauðans þar sem hótelgestir voru mestmegnis unglingar. Staðinn fyrir venjulegar ljósaperur var lobbið lýst með neon perum og einning gangarnir. En samt var þetta snilld. Við fórum í sjónvarpsturninn í Berlin. Hann er eitthvað um 350 metra hár og biðröðinn til að komast upp í hann var svakaleg. Fólki var troðið í lyftu ,og þá meina ég troðið, og híft upp um 300 metra. En þetta var þess virði. Útsýnið var geggjað. Síðan í Berlin fórum við á pöbbana og smökkuðum þýska bjórinn sem er ekki eins góður og danski. Við vorum í Berlin í tvo daga og þá keyrðum við heim og auðvitað viltumst aftur í Hamborg og það var enginn Hamborgari sem gat hjálpað okkur (hehehe). En svona í "slutten" á þessari sögu frá Þýskalandi að þá fannst mér magnað að sjá alla þessa klósettverði sem voru á mörgum stöðum. Einu sinn fór ég "að kasta vatni" og þegar ég kom inn að þá var þessi kona á karlaklósetinnu. All í góðu með það ég gerði bara mitt og þó svo að mér fannst ekkert voða spennandi að hafa þessa konu yfir mér á meðan ég var að pissa. En allaveg þegar ég er búinn að þrífa á mér hendurnar að þá segir þessi kona eitthvað sem ég held að hafi verið þýska og bendir á að ég eigi að borga eitthvað að ég held. Ég lét hana víst fá einhverja danska aura (sem var auðvitað mistök) og einhver evrucent. Hún var ekki alveg sátt við mig þá og talaði eitthvað en með óánægjutón og benti á dönsku auranna að hún vildi ekki sjá þá. Ég brosti bara vandræðileg og lét hana fá 2 evrur og hélt að málið væri dautt. En hún vildi endilega gefa mér til baka og en ég reyndi að segja henni að hún mætti eiga þá vegna þess að hún væri besti klósettvörður sem ég hafði nokkru sinni séð. Hún tók það ekki til mála og lét mig fá til baka. Ég fór sveittur út af klósettinu og verð ég að segja að þetta hafi verið erfiðasta klósettferð sem ég hef nokkru sinni lent í og hef ég lent í þeim mörgum :) . Við vitum ekki hvað við höfum það gott á Íslandi að hafa enga klósettverði segi ég nú bara.

Það er alltaf nóg að gera hér í Danmörku. Skólinn er reyndar ekki voða mikið áskorun á mig og hef ég verið að velta fyrir mér að vera bara eina önn vegna þess. Einnig vegna þess að ég á svo fáa áfanga eftir að það eru ekki í boði hér í Danmörku áfangar sem nýtast mér heima.

Það er fullt fleirra að skrifa en ég hef bara ekki orku í meira. En ég reyni að blogga meira ef þið reynið að skrifa eitthvað í commentinn því það er ekkert leiðinlegra en að sjá "0 comments"

Bið að heilsa og vona að þið eruð að gera góða hluti á Íslandinu.

Kveðja Þórsarinn

Svona er Danmörk í dag

2004-09-11T05:33:00.000-07:00

Ég var að lesa á vísir.is eina magnaða frétt.

"Bylgjan 10. september 15:23
('Danskur dýraníðingur gengur laus',
Danskur dýraníðingur gengur laus. Fyrirtæki, einstaklingar og dýraverndunarsamtök í Danmörku hafa tekið höndum saman og heitið andvirði einni og hálfri milljón íslenskra króna til þess sem veitt getur upplýsingar sem leiða til handtöku dýraníðings sem gengur laus á Jótlandi. Lögreglan í Árósum rannsakar 24 mál þar sem hestar hafa verið beittir grófu kynferðislegu ofbeldi, svo grófu að sjö hestar hafa drepist vegna áverka sem maðurinn hefur veitt þeim. Þá er kynferðislegt ofbeldi gegn einni kú til rannsóknar. Árósalögregla leggur mikla áherslu á að hafa hendur í hári þessa manns sem hún fullyrðir að sé afar kynferðislega brenglaður."
http://www.visir.is/?PageID=38&NewsID=13046

Þetta er nokkuð magnað að maður gerir svona. Það hefur greinilega ekkert verið að virka í konumálum hjá honum því þetta myndi ég nú segja vera loka úrræði til að fá sér á broddinn :)

P.s. It wasnt me!!!!!!!

Kynningarvikan í skólanum

2004-08-31T01:48:00.000-07:00

Já, það var kynningarvika í skólanum í seinustu viku þar sem allir erlendu skiptinemarnir hittust og kynntust. Það eru hátt í 300 erlendir skiptinemar hér í ASB (Handelhojskolen) og byrjaði allt með bullandi partý á þriðjudagskvöld. Þá hittust allir í "Klubben" sem er háskólabarinn og fengu sér bjór. Það er magnað hvað áfengi getur haft áhrif á hvað fólk er fljótt að kynnast og kynntist ég alveg fullt af liði þó aðallega frá USA. Á miðvikudag og fimmtudag var einnig partý í klubben og síðan á föstudaginn og laugardag var farið niður í bæ á skemmtistað sem heitir "Socialclub". Maður var býsna þreyttur eftir allt þetta partýstand en það var þó þess virði. Á Socialclub er happyhour alla föstudaga og laugardaga þar sem kl 11-12 er frír bjór á krana og er keppst um hver nær sem flestum glösum. Þessi vika var tær snilld og er Þórsarinn orðinn nokkuð sáttur við lífið og tilveruna í Danmörku. Dönsku stelpurnar eru nokkuð flottar og einnig eru flottar skipitnemastelpur hér. Ég er ekkert búinn að sjá Jón P síðan á fyrsta degi það er svo mikið búið að vera að gera hjá mér. Bjarki kom seinasta miðvikudag og er ég að spá í að kíkja í heimsókn í vikunni því ég er ekkert í skóla á fimmtudag og föstudag. :) Þeir fá íbúðina sína afhenda núna á miðvikudag og verður gaman að sjá hvernig útkoman verður.

Sirry og Sigrún komu síðan til Danmerkur í gær til Köben. Ég er nú eftir að kíkja til Köben í partý með þeim. Og Sirrý var búinn að lofa að kíkja í heimsókn til mín þannig að það verður bara gaman.

På gernsyn ,
Þórsarinn

2004-08-20T14:22:00.000-07:00

1 dagurinn á nýja heimilinu mínu

2004-08-20T13:59:00.000-07:00

Ég er mættur til Danmerkur!!!! Ég og Jón P mættum á Alþjóðaskrifstofu í skólanum og tókum við lyklavöldunum á nýja heimilinum mínu á Spobjergsvej 6, herbergi 5. Ég er búinn að hitta nokkra í sama stigagangi og ég. Þeir Jesper og Lars eru helvíti fínir gaurar þó ég er bara búinn að tala við þá einu sinni og mun örugglega ekki þekkja þá aftur ef ég myndi sjá þá. Ég sit nú hér með öl í hendi eftir að hafa keypt nauðsynjavörur í búðinni. Íbúðinn er flott og allt í kring flott. Á morgun förum ég og Jon P í bæinn að kaupa fjernsyn eða sjónvarp fyrir ykkur sem eru ekki eins fær í dönsku og ég :) . Fyrir utan Kollige ( heimavistina) hjá mér er bar sem er einmitt í þessu að spila Live musik og erum við Jón P að gera okkur klára fyrir að hitta dönsku skvísunar því nóg er af þeim til.

Jæja þetta var fyrsti dagurinn hjá mér og ég bið að heilsa öllum sem heima sitja. Ég segji bara bless í bili.